“O‘zbekgeofizika” AJ va “Udmurtneftegeofizika” MChJ (Rossiya) o‘rtasida tuzilgan shartnomaga asosan “O‘zbekgeofizika” AJ seysmik-qidiruv otryadi Udmurt Respublikasidagi Mojginskiy litsenzion maydonida MOGT-3D dala seysmik qidiruv ishlarini olib borishda shartnoma majburiyatlarini muvaffaqiyatli bajardi. Loyiha doirasidagi samarali hamkorlik uchun Rossiya kompaniyasidan minnatdorchilik maktubi olindi. Bu “O‘zbekgeofizika” aksiyadorlik jamiyatining xorijiy mamlakatlarning seysmik qidiruv ishlari bozoriga chiqishida yangi bosqichdir.