“Oʻzbekgeofizika” AJda Oʻzbekiston Respublikasi Togʻ-kon sanoati va geologiya vazirligi va “Oʻzbekneftgaz” AJ tomonidan olib borilayotgan geologiya-qidiruv ishlari holati va rejalari boʻyicha kengaytirilgan qoʻshma yigʻilishi boʻlib oʻtdi.

Yigʻilishda Togʻ-kon sanoati va geologiya vaziri maslahatchisi N.Muxutdinov Oʻzbekiston Respublikasidagi istiqbolli neft-gaz maydonlarida geologiya-qiduruv ishlarini oʻtkazish samaradorligini oshirish boʻyicha koʻrsatmalar berdi.

Shuningdek, tadbirda “Oʻzbekneftegaz” AJ boʻlim boshligʻi, “Oʻzbekgeofizika” AJ boshqaruv raisi va “Neft va gaz konlari geologiyasi hamda qidiruvi instituti” DM direktori joriy yil 9 oy davomida sohada amalga oshirilgan ishlar hamda “Oʻzbekneftegaz” AJ bilan hamkorlikda olib borilayotgan geologiya-qidiruv ishlarining natijalari boʻyicha taqdimot qilishdi.