“O‘zbekgeofizika” AJda tasdiqlangan ichki me’yoriy hujjatlar talablarini xodimlarga tushuntirish maqsadida seminar va davra suhbatlari tashkil etildi.

Tadbir davomida Jamiyatning “Korrupsiyaga qarshi kurashish siyosati”, “Odob-axloq kodeksi”, “Shartnomalarni kelishish, imzolash va ijro etish siyosati” hamda “Sovg‘a berish va qabul qilish siyosati” mazmun-mohiyati yuzasidan atroflicha tushuntirishlar berildi.

Seminar “O‘zbekgeofizika” AJning bevosita bo‘ysinuvchi Zaxiralarni hisoblash bo‘linmasida o‘tkazilib, unda 21 nafar xodim ishtirok etdi.

Mazkur tadbir xodimlarning huquqiy madaniyatini oshirish, Jamiyatda ochiqlik, halollik, mas’uliyat va manfaatlar to‘qnashuviga yo‘l qo‘ymaslik tamoyillarini yanada mustahkamlashga xizmat qiladi.