“Oʼzbekgeofizika” АJ ning "Buxoro geofizika ekspeditsiyasi" sohada har tomonlama yetuk kadrlarni tayyorlash maqsadida filialda faoliyat yuritayotgan muhandis-texnik xodimlarning dala geofizika sohasidagi bilimlarini yanada mustahkamlash borasida "Dala partiyalari oʼrtasida tajriba almashish amaliyoti" yoʼlga qoʼyilgan.

Shu maqsadda filialning 2D va elektr qidiruv partiyalari mutaxassislari Аlan 01/2023-2024 loyihasi asosida ish olib borayotgan 3D dala partiyasiga tashrif buyurdilar.

Аmaliyot davomida mutaxassislar seysmik qidiruvning 3D ishlarini rejalashtirishdan boshlab dala hisoblash markazida dastlabki dala maʼlumotlarini qayta ishlash jarayonigacha yetarli bilim va koʼnikmaga ega boʼldilar.