2025-yilning 7-9-iyul kunlari “Amirobod kon-geofizika ekspeditsiyasi” hamda “Yakkabogʻ geofizika ekspeditsiyasi” filiallari faoliyatlarini ISO 37001:2016 xalqaro standarti talablari asosida sertifikatlash maqsadida “CERT International” xalqaro kompaniyasi tomonidan tashqi audit muvaffaqiyatli oʻtkazildi. Audit natijalari boʻyicha filial rahbariyati va masʼul xodimlariga korrupsiyaviy xavflarni boshqarish va manfaatlar toʻqnashuvini tartibga solish boʻyicha tavsiyalar berildi. Shuningdek, xodimlarning huquqiy ongini va madaniyatini oshirish boʻyicha davra suhbati oʻtkazilib, unda Jamiyatning “Korrupsiyaga qarshi kurashish Siyosati”, “Axloq kodeksi”, “Manfaatlar toʻqnashuvini boshqarish Siyosati”, “Qoidabuzarliklar haqida xabardor qilish” va boshqa ichki-normativ hujjatlar haqida tushunchalar berildi.