"O‘zbekgeofizika" AJda Yoshlar kuni munosabati bilan boshqaruv apparati yoshlari ishtirokida “Yoshlar va rahbar” uchrashuvi tashkil etildi. Unda Jamiyat Boshqaruv raisi R. Yusupjonov hamda yosh xodimlar qatnashdi.

Uchrashuvda Jamiyatning istiqboldagi rivojlanish rejalari, geologiya-qidiruv ishlarini chuqur qatlamlarda kengaytirish, zamonaviy texnologiyalarni joriy etish hamda yosh mutaxassislarni ushbu jarayonlarga faol jalb qilish masalalari muhokama qilindi.

Shuningdek, raqamlashtirishni jadallashtirish, boshqaruv tizimini takomillashtirish, ishlab chiqarish jarayonlarini masofadan monitoring qilish, qog‘ozbozlikni kamaytirish hamda axborot siyosatini rivojlantirish bo‘yicha yoshlar tomonidan takliflar bildirildi.