O‘zbekiston Respublikasi Togʻ-kon sanoati va geologiya vazirining maslahatchisi N.Muxutdinov Qashqadaryo viloyatining neftgazga istiqbolli maydonlarida 3D seysmik qidiruv ishlarini olib borayotgan “Oʻzbekgeofizika” AJ “Yakkabogʻ geofizika ekspeditsiyasi” filialiga qarashli Jambuloq 3D dala partiyasidagi ishlarni ko‘zdan kechirdi.

O‘rganish davomida dala seysmik qidiruv ish jarayonlari, loyiha boʻyicha amalga oshirilayotgan ishlar holati hamda dala hisoblash markazida zamonaviy dasturlar asosida bajarilgan ishlar sifati bilan tanishildi.